2026 жылғы 7 шілдеде Абай облысы Үржар ауданының Мәдениет үйінде еңбек қатынастары саласындағы заңнама талаптарын түсіндіруге арналған кездесу өтті.
Жұмыс кездесуіне мемлекеттік органдардың өкілдері, прокуратура қызметкерлері, кәсіпорындар мен мекемелердің басшылары, жұмыс берушілер, кәсіподақ ұйымдарының және сақтандыру компанияларының өкілдері қатысты.
Кездесу барысында Абай облысы бойынша Мемлекеттік еңбек инспекциясы комитеті департаментінің басшысы Е. С. Ниятқабылов еңбек заңнамасын сақтау, еңбек шарттарын дұрыс рәсімдеу, оларды Еңбек шарттарын есепке алудың бірыңғай жүйесінде (ЕШЕБЖ) тіркеу, балалар еңбегін пайдалануға жол бермеу, еңбек қауіпсіздігі мен еңбекті қорғауды қамтамасыз ету, сондай-ақ мемлекеттік бақылауды жүзеге асыру мәселелерін түсіндірді.
Ақпарат көзі : https://www.gov.kz/memleket/entities/abai-enbek/press/news/details/1255186?lang=ru
Жауап қалдыру