Әлеуметтік сала мәселелері жөніндегі тұрақты комиссияның төрағасы Т. Шмидт және қалалық мәслихат депутаты К. Турлыбеков «Әділет» партиясының өкілі М. Маликовамен бірге мектеп оқушыларының жазғы еңбек жасақтарының (МЕЖ) жұмысына көшпелі мониторинг жүргізді. Жұмыс тобы жоғары сынып оқушыларының қандай жағдайда еңбек етіп жатқанын өз көздерімен көру үшін №23 және №26 жалпы білім беретін мектептерге барды.
Ағымдағы маусымда МЕЖ жұмысына көпбалалы және аз қамтылған отбасылардан шыққан балалар, жетім балалар мен ата-анасының қамқорлығысыз қалған балалар тартылған. Олар үшін бұл тек табыс табу мүмкіндігі ғана емес, сонымен қатар әлеуметтенудің маңызды элементі болып табылады. Мектеп оқушылары үшін аумақтарды абаттандырудан бөлек, экологиялық квесттер мен танымдық ток-шоуларды қамтитын бос уақытты тиімді өткізу бағдарламасы ұйымдастырылған.
Мониторинг барысында комиссия мүшелері жасақтың барлық қатысушылары арнайы киіммен және құрал-саймандармен қамтамасыз етілгенін, қауіпсіздік техникасы бойынша күнделікті нұсқаулықтан уақытылы өтетінін, қатаң түрде сағат 08:00-ден 12:00-ге дейін жұмыс істейтінін және 10 күндік ауысым үшін 42 500 теңге кепілді төлемі бар жеке еңбек шарттары жасалғанын растады.
Жұмыс тобы №23 және №26 мектептердің оқушыларымен бетпе-бет тілдесті. Екінші маусымның жоғары сынып оқушылары жақсы әсерлерімен бөлісіп, процестің өте жоғары деңгейде ұйымдастырылғанын атап өтті және болашақта да эко-акцияларға қатысуға дайын екендіктерін білдірді.
Көшпелі тексеріс қорытындысы бойынша тиісті ұсынымдар берілді. Жастарды жазғы кезеңде жұмыспен қамтуды ұйымдастыру мәселесі қалалық мәслихаттың тұрақты комиссиясының бақылауында қалады.
Ақпарат көзі : https://www.gov.kz/memleket/entities/maslihat-pavlodar-ekibastuz/press/news/details/1256755?lang=ru
Жауап қалдыру