Ақсу қаласының Еуразиялық энергетикалық корпорациясында «Жасанды интеллекттің көлеңкелі жағы және дропперлік» тақырыбында профилактикалық және түсіндіру дәрісі өтті.
Кездесу барысында Павлодар облысы бойынша Экономикалық тергеп-тексеру департаменті мен облыс полиция департаментінің өкілдері кәсіпорын қызметкерлерін жасанды интеллект технологияларын пайдаланумен байланысты өзекті қауіптермен таныстырды. Жасанды интеллект қолдану арқылы интернет-алаяқтық жағдайларына, жалған аудио және бейнематериалдар жасауға, фишингтік шабуылдарға, сондай – ақ дербес деректер мен қаржылық қауіпсіздікті қорғау тәсілдеріне ерекше назар аударылады.
Қатысушыларға алаяқтық схемалардың негізгі белгілері түсіндірілді және белгісіз көздерден алынған ақпаратты сыни тұрғыдан бағалау қажеттілігі туралы еске салынды. Іс-шара соңында қызметкерлер цифрлық технологияларды қауіпсіз пайдалану және киберқауіптердің алдын алу бойынша практикалық ұсыныстар алды.
Ақпарат көзі : https://www.gov.kz/memleket/entities/afm-pavlodar/press/news/details/1257028?lang=ru
Жауап қалдыру