ҚР Көлік министрлігі ұшу географиясын кеңейту және халықаралық рейстер санын арттыру бойынша жұмысты жалғастыруда. Осы жұмыс аясында қазақстандық flyarystan Әуекомпаниясы Қытай мен Қырғызстанға жаңа халықаралық бағыттар ашты, деп хабарлады ведомствоның баспасөз қызметі.
Ағымдағы жылдың 26 маусымынан бастап авиакомпания Ақтау – Үрімші (Қытай) бағыты бойынша рейстерді аптасына 2 рет – сейсенбі және жұма күндері – Airbus A320 типті әуе кемелерінде орындайды.
Сонымен қатар, ағымдағы жылдың 3 шілдесінен бастап Астана – Ыстықкөл (Қырғызстан) бағыты бойынша тұрақты рейстер іске қосылады. Рейстер аптасына 2 рет – дүйсенбі және жұма күндері – Airbus A320 типті әуе кемелерінде орындалады.
Жаңа халықаралық авиамаршруттардың ашылуы Қазақстанның Қытаймен және Қырғызстанмен сауда-экономикалық, іскерлік, туристік және гуманитарлық ынтымақтастығын одан әрі дамытуға ықпал етеді, сондай-ақ саяхаттау және өңірлік өзара байланысты нығайту үшін мүмкіндіктерді кеңейтеді.
Ақпарат көзі : https://www.gov.kz/memleket/entities/karaganda-shet-akoy/press/news/details/1255897?lang=ru
Жауап қалдыру