“Заң мен тәртіп” қағидатын іске асыру аясында Ақмола облысы полиция департаментінің есірткі қылмысына қарсы іс-қимыл басқармасының қызметкерлері Көкшетауда “Жаңа Жағалауда” жаңа скейт- алаңын ашуға арналған қалалық іс-шараға қатысты.
Жергілікті атқарушы органдар ұйымдастырған мерекелік бағдарлама қаланың үш мыңға жуық тұрғыны мен қонақтарын жинаған танымал орындаушылардың қатысуымен Open Air концертімен аяқталды.
Жастардың көптігін ескере отырып, есірткі полицейлері Есбол Қоры фронт-офисінің еріктілерімен бірлесіп, есірткі құқық бұзушылықтың алдын алуға бағытталған ақпараттық науқан ұйымдастырды.
Іс-шара барысында полицейлер мен еріктілер есірткіні қолдану мен таратудың салдары туралы тақырыптық ақпараттық материалдарды, сондай-ақ ЕҚҚІҚБ сенім телефонының нөмірлерін таратты.
Профилактикалық акция қазіргі заманғы скейет- алаңының ашылу күні өтті. Мұндай қоғамдық кеңістіктерді құру жастарға спортпен шұғылдануға, белсенді демалуға, қарым-қатынас жасауға және өзін-өзі жүзеге асыруға жаңа мүмкіндіктер ашады. Бұл жастарға денсаулық, даму және қауіпсіз болашақ үшін таңдау жасауға көмектесетін, есірткіге қарсы ең тиімді баламаларының біріне айналатын қол жетімді және қызықты демалыс ортасы.
Профилактикалық жұмыстарды жүргізу үшін ірі қалалық іс-шараларды пайдалану кең аудиторияны қамтуға, халықтың құқықтық сауаттылық деңгейін арттыруға және қоғамның қауіпсіздігі мемлекеттік органдардың, жұртшылық пен азаматтардың бірлескен күш-жігерінен тұратынын тағы бір рет еске салуға мүмкіндік береді.
Ақпарат көзі : https://www.gov.kz/memleket/entities/mvd-akmola/press/news/details/1259099?lang=ru
Жауап қалдыру