Ағымдағы жылдың 8–10 маусым аралығында дін істері басқармасының басшысы Р. Қасенова және бөлім басшысы Н. Нұрмағамбет Уәлиханов, Ақжар, Тайынша аудандарында ақпараттық-түсіндіру жұмыстарын ұйымдастырды.
Басқарма басшысы Р. Қасенованың жетекшілігімен басқарма мамандары халықтың діни сауаттылығын арттыруға және мемлекеттің зайырлы қағидаттарын нығайтуға бағытталған бірқатар іс-шара өткізді.
Сапар аясында мақсатты аудиториялардың кең ауқымын қамтыған жеке кездесулер, семинарлар, дөңгелек үстелдер мен ашық алаңдарда кездесулер өткізілді. Аталған аудиторияларға: аудан әкімдіктерінің мамандары, ақпараттық-түсіндіру топтарының (АТТ) мүшелері, құқық қорғау органдарының қызметкерлері, мәдениет, өзін-өзі жұмыспен қамтыған азаматтар, қоныс аударушылар, әлеуметтік осал топтардың өкілдері кірді.
Мақсатты топтармен өткізілген кездесулердің мақсаты-халықтың діни сауаттылығын арттыру, мемлекеттің зайырлы негіздерін терең түсінуді қалыптастыру және құқық бұзушылықтардың алдын алу болды. Іс-шаралар барысында қатысушыларға Қазақстан Республикасының діни қызмет саласындағы заңнамасының негізгі ережелері мен соған сәйкес құқықбұзушылықтар үшін жауапкершілік туралы түсіндірілді.
Іссапарлық ақпараттық жұмыстар экстремизм мен радикалданудың алдын алуда, сондай-ақ құқықтық мәдениетті нығайтуда маңызды рөл атқарады. Дін істері басқармасы зайырлы қағидаттарды одан әрі нығайтуға және тұрақты қоғамдық келісімді қалыптастыруға жәрдемдесуге бағытталған.
Ақпарат көзі : https://www.gov.kz/memleket/entities/sko-udr/press/news/details/1259192?lang=ru
Жауап қалдыру