2026 жыл 8 шілде күні, Қазақстан Республикасындағы Адам құқықтары жөніндегі Уәкілдің Шымкент қаласы бойынша өкілі Н. Абдезов Бас прокуратураның бастамасымен ведомствоаралық Zoom форматында өткен «Заң мен тәртіп» идеологиясын қоғамда орнықтыру мәселелеріне арналған кеңеске қатысты.
Кеңес барысында:
🔹 қоғамда «Заң мен тәртіп» идеологиясын ілгерілету жөніндегі тұжырымдаманы іске асыру барысы және мемлекеттік органдардың оның орындалу тиімділігін бағалау жүйесін енгізу;
🔹 ҚР Президентінің елордада профилактикалық жұмысты күшейту жөніндегі хаттамалық тапсырмасының орындалу барысы;
🔹 туристік аймақтар мен жаппай демалыс орындарында профилактикалық жұмысты күшейтуге бағытталған тәсілдерді әзірлеу мәселелері талқыланды.
Заң үстемдігін нығайту, құқықтық мәдениетті қалыптастыру және азаматтардың құқықтарын қорғау бағытындағы ведомствоаралық өзара іс-қимылды жетілдіру жұмыстары алдағы уақытта да жалғасады.
Ақпарат көзі : https://www.gov.kz/memleket/entities/ombudsman-shymkent/press/news/details/1258731?lang=ru
Жауап қалдыру