Санитариялық-қорғаныш аймағы (бұдан әрі – СҚА) – арнайы мақсаттағы аймақтарды, сондай-ақ елді мекендегі өнеркәсіптік ұйымдар мен басқа да өндірістік, коммуналдық және қоймалық объектілерді жақын маңдағы қоныстану аумақтарынан, тұрғын үй-азаматтық мақсаттағы ғимараттар мен құрылыстардан оларға қолайсыз факторлардың әсерін бәсеңдету мақсатында бөліп тұратын аумақ.
Санитариялық-қорғаныш аймағының негізгі мақсаты – тұрғын аумақтарды өндірістік объектілердің қолайсыз әсерінен қорғау, халықтың санитариялық-эпидемиологиялық саламаттылығын қамтамасыз ету және қоршаған ортаның қауіпсіздігін сақтау. Оның мөлшері объектінің қауіптілік сыныбына, өндірістік қуатына, технологиялық ерекшеліктеріне, атмосфералық ауаға шығарындылар көлеміне, сондай-ақ шу, діріл, электромагниттік сәулелену және басқа да физикалық факторлардың деңгейіне байланысты айқындалады.
Санитариялық-қорғаныш аймақтарына қойылатын талаптар Қазақстан Республикасы Денсаулық сақтау министрінің міндетін атқарушының 2022 жылғы 11 қаңтардағы № ҚР ДСМ-2 бұйрығымен бекітілген «Адамның өмір сүру ортасы мен денсаулығына әсер ету объектілері болып табылатын объектілердің санитариялық-қорғаныш аймақтарына қойылатын санитариялық-эпидемиологиялық талаптар» санитариялық қағидаларында белгіленген.
Ақпарат көзі : https://www.gov.kz/memleket/entities/departament-kkbtu-almaty/press/news/details/1258333?lang=ru
Жауап қалдыру