ШҚО ПД ЖҚАЖ қызметкері «Ізгі жүрек» сыйлығының жеңімпазы атанды
Қызметтен тыс уақытта да полицейлер өздерінің басты мақсатына — өмірді қорғауға, азаматтардың қауіпсіздігін қамтамасыз етуге және қиын жағдайға тап болғандарға көмекке келуге адал болып қалады. Нағыз офицер үшін борыш сезімі қызметтік ауысым аяқталғанда тоқтап қалмайды.
Шығыс Қазақстан облысы Полиция департаментінің Жедел қимылдайтын арнайы жасақ қызметкері, полиция майоры Талғат Оспанов «Қазцинк» компаниясы тағайындаған «Ізгі жүрек – 2026» жыл сайынғы сыйлығының халықтық дауыс беру қорытындысы бойынша жеңімпазы атанды.
Алакөл жағалауында демалып жатқан кезде қатты жел алты жасар бала мінген аквазорбтың тросын үзіп кетіп, оны жағалаудан жылдам алыстатып әкеткен. Талғат Оспанов бір сәтті де жоғалтпай, суға секіріп, баланы құтқарып қалды. Оның батыл әрі ерлікке толы іс-қимылының арқасында бала жағаға аман-есен жеткізіліп, қайғылы оқиғаның алды алынды.
Бүгін Шығыс Қазақстан облысының ерлік, қайсарлық және бейжай қарамайтындық танытқан тұрғындарын марапаттайтын «Ізгі жүрек – 2026» жыл сайынғы сыйлығын табыстаудың салтанатты рәсімі өтті. Полиция майоры Талғат Оспановтың жеңісі — оның ерлігін мойындау және өңір тұрғындары тарапынан көрсетілген жоғары қоғамдық баға.
Шығыс Қазақстан облысы Полиция департаментінің ұжымы үшін бұл жеңіс ерекше мақтаныш нысанына айналды. Бұл — Антқа адалдық, жауапкершілік және адам өмірін қорғауға деген дайындық ішкі істер органдарындағы қызметтің басты қағидалары болып қала беретінінің тағы бір дәлелі.
Полиция майоры Талғат Оспановты лайықты жеңісімен құттықтаймыз! Оның іс-әрекетіне берілген жоғары баға — ішкі істер органы қызметкерінің кәсібилігі, жауапкершілігі және өз ісіне деген адалдығы сияқты ең үздік қасиеттерін мойындау болып табылады. Зор денсаулық, амандық, қызметте толағай табыстар және Қазақстан Республикасының игілігі жолында жаңа жетістіктер тілейміз!
ШҚО ПД бспасөз қызметі
Ақпарат көзі : https://www.gov.kz/memleket/entities/mvd-vko/press/news/details/1260230?lang=ru
Жауап қалдыру