Облыстық мәслихаттың кіші залында Ербол Салықовтың төрағалығымен Батыс Қазақстан облыстық мәслихатының бюджет және өңірлік даму жөніндегі тұрақты комиссиясының тыңдауы өтті.
Іс-шараға Батыс Қазақстан облысының мемлекеттік сатып алу және коммуналдық меншік басқармасы басшысының міндетін атқарушы Меңешов Біржан және облыстық мәслихат депутаттары қатысты.
Күн тәртібінде жекешелендіру объектілерін, атап айтқанда 113 коммуналдық меншіктегі автокөлікті, сауда-саттыққа шығару мәселесі бойынша көпшілік тыңдау болды.
Тыңдау барысында, ұсынылып отырған жекешелендіру объектілері туралы жан-жақты ақпарат беріліп, сауда-саттықты өткізу тәртібі мен заңнама талаптары түсіндірілді.
Тыңдаудың қорытындысы бойынша айтылған ұсыныстар мен ескертулер қолданыстағы заңнама талаптарына сәйкес қаралатын болады.
Ақпарат көзі : https://www.gov.kz/memleket/entities/maslihat-zko/press/news/details/1261053?lang=ru
Жауап қалдыру