Ақтау қаласы Полиция басқармасының ювеналды полиция бөлімшесінің қызметкерлері кәмелетке толмағандар арасындағы құқық бұзушылықтардың алдын алу және олардың қауіпсіздігін қамтамасыз ету мақсатында қала аумағында тұрақты түрде түнгі рейдтік іс-шаралар өткізуде.
Кезекті рейд барысында тәртіп сақшылары заңды өкілдерінің (ата-анасының) еріп жүруінсіз түнгі уақытта тұрғын үйден тыс жерде және ойын-сауық орындарында жүрген бірнеше жасөспірімді анықтады.
Аталған фактілер бойынша Қазақстан Республикасының қолданыстағы заңнамасына сәйкес әкімшілік шаралар қабылданып, ата-аналарға кәмелетке толмаған балалардың қауіпсіздігін қамтамасыз ету және тәрбиесіне жауапкершілікпен қарау бойынша түсіндіру жұмыстары жүргізілді.
Полиция ата-аналарға кәмелетке толмағандардың түнгі уақытта заңды өкілдерінің қарауынсыз жүруіне қатысты талаптарды сақтаудың маңыздылығын ескертеді. Заң талаптарына сәйкес, жасөспірімдердің сағат 23:00-ден кейін тұрғын үйден тыс жерде, ал ойын-сауық орындарында сағат 22:00-ден кейін ата-анасының немесе заңды өкілінің қатысуынсыз болуына жол берілмейді.
Құқық қорғау органдары ата-аналарды балаларының бос уақытын бақылауға, олардың қауіпсіздігіне жауапкершілікпен қарауға және құқық бұзушылықтардың алдын алу шараларына белсенді қатысуға шақырады.
Ақпарат көзі : https://www.gov.kz/memleket/entities/mvd-mangystau/press/news/details/1262755?lang=ru
Жауап қалдыру