Ағымдағы жылдың 22 шілдесінде мемлекеттік еңбек инспекторы Қ.Жұмагереев кезекті «Қауіпсіз еңбек» профилактикалық іс-шарасы аясында Орал қаласында орналасқан «Ural Electric» ЖШС нысанында жазатайым оқиғалардың алдын алу және Қазақстан Республикасы заңнамасының еңбек қауіпсіздігі және еңбекті қорғау талаптарының сақталуын қамтамасыз етуге бағытталған түсіндіру жұмыстарын жүргізді.
Іс-шара барысында кәсіпорын жұмыскерлері мен жауапты тұлғаларына қауіпсіз еңбек жағдайларын қамтамасыз етуге қатысты Қазақстан Республикасы Еңбек кодексінің негізгі ережелері жан-жақты түсіндірілді. Ерекше назар жұмыс берушінің қауіпсіз өндірістік ортаны қалыптастыру, еңбек қауіпсіздігі бойынша нұсқамалар өткізуді қамтамасыз ету, жұмыскерлерді жеке қорғаныш құралдарымен қамтамасыз ету, сондай-ақ еңбекті қорғау мәселелері бойынша оқыту мен білімін тексеруді ұйымдастыру жөніндегі міндеттеріне аударылды.
Профилактикалық іс-шара қорытындысы бойынша жұмыскерлерге еңбекті қорғау талаптарын сақтау, өндірістік жарақаттанудың алдын алу және жұмыс орындарында қауіпсіз еңбек мәдениетін қалыптастыру жөнінде практикалық ұсынымдар берілді.
Осындай профилактикалық іс-шараларды тұрақты түрде өткізу өндірістік жарақаттану деңгейін төмендетуге және кәсіпорындарда еңбек тәртібін нығайтуға ықпал етеді.
Ақпарат көзі : https://www.gov.kz/memleket/entities/bko-enbek/press/news/details/1262681?lang=ru
Жауап қалдыру