2026 жылғы 24 шілде күні сағат 15:00-ден 17:00-ге дейін Қостанай облысында мүгедектігі бар адамдарға арналған «Мүмкіндік» облыстық әлеуметтік-құқықтық акциясы өтеді.
Іс-шараға прокуратура органдарының, жергілікті атқарушы органдардың, уәкілетті мемлекеттік құрылымдардың өкілдері, жұмыс берушілер мен оқу орталықтарының өкілдері қатысады.
Акцияның негізгі мақсаты – мүгедектігі бар адамдарың әлеуметтік және еңбекке бейімделуіне жәрдемдесу, оларды жұмыспен қамтуға, кәсіптік оқыту мен қайта даярлауға тең қолжетімділікті қамтамасыз ету, сондай-ақ азаматтардың құқықтық және әлеуметтік қорғалуын күшейту.
Акция аясында Smart Qostanay мобильді қосымшасының Life Helper цифрлық бөлімінде іске қосылған Aman ID сервисі де таныстырылады. QR-код немесе арнайы білезік арқылы адамның жеке басын жедел анықтауға, оның денсаулық жағдайы туралы мәліметтер мен алғашқы медициналық көмек көрсету жөніндегі ұсынымдарды алуға, сондай-ақ жақын туыстарына автоматты түрде хабарлама жіберуге мүмкіндік беретін цифрлық құрал.
Аталған сервис Қостанай облысының прокуратурасы, Қостанай қаласының әкімдігі және «Астана тұрақты даму орталығы» ЖШС-нің бірлескен жобасы болып табылады. Ол егде жастағы адамдардың, мүгедектігі бар адамдардың және созылмалы аурулары бар азаматтардың қауіпсіздігін арттыруға бағытталған.
Осындай іс-шаралар облыстың барлық қалалары мен аудандарында аумақтық прокуратуралардың үйлестіруімен өтеді.
Облыс орталығындағы іс-шараның өтетін орны: Қостанай қаласы, Юбилейный шағын ауданы, 56-үй, «Жастар сарайы» ғимараты.
Анықтама телефондары: 8 (7142) 53-26-03, 8 (7142) 54-94-94.
Қостанай облысының прокуратурасы
Ақпарат көзі : https://www.gov.kz/memleket/entities/prokuratura-kostanay/press/news/details/1262492?lang=ru
Жауап қалдыру