Рентгенологиялық зерттеулер – әртүрлі ауруларды уақытылы анықтауға, диагнозды нақтылауға және емдеу тиімділігін бақылауға мүмкіндік беретін заманауи диагностиканың маңызды әдістерінің бірі. Зерттеу жүргізу барысында адам ағзасы иондаушы сәулеленудің әсеріне ұшырайды, алайда қазіргі заманғы зерттеулерде қолданылатын сәулелену дозасы өте төмен, қатаң бақылауда болады және көп жағдайда пациенттің денсаулығына елеулі қауіп төндірмейді.
Рентгенологиялық зерттеулер дәрігердің тағайындауы бойынша және медициналық көрсетілімдер болған жағдайда ғана жүргізілуі тиіс. Жүкті әйелдер мен балаларға ерекше көңіл бөлініп, олар үшін қосымша қорғаныс шаралары қолданылады. Заманауи цифрлық жабдықтарды пайдалану пациентке түсетін сәулелік жүктемені едәуір төмендетіп, зерттеудің қауіпсіздігін арттырады.
Осылайша, медициналық көрсетілімдер мен радиациялық қауіпсіздік талаптары сақталған жағдайда рентгенологиялық зерттеулердің пайдасы адам денсаулығына төнуі мүмкін қауіптерден әлдеқайда жоғары.
Ақпарат көзі : https://www.gov.kz/memleket/entities/departament-kkbtu-almaty/press/news/details/1262729?lang=ru
Жауап қалдыру