Қарағанды облыстық мәслихатының төрағасы Нұркен Кобжанов, облыстық мәслихат депутаттары Игорь Жабяк пен Александр Куприенко Бұқар жырау ауданында өткен халықаралық картоп тұқымы күніне арналған іс-шараға қатысты. Іс-шараны Нидерланды Корольдігінің Қазақстан Республикасындағы Елшілігінің қолдауымен «Баймырза Агро 2018» ЖШС және «Еуразия Групп Казахстан» ЖШС ұйымдастырды.
Кәсіби алаңда өткен шараға облыс әкімінің орынбасары Р.А.Кенжебеков, Бұқар жырау ауданының әкімі Е.Б.Құсайын, аудандық мәслихаттың төрағасы А.С.Әли, Қазақстан Республикасындағы Нидерланды Корольдігі Елшілігінің ауыл шаруашылығы жөніндегі атташесі Ари Велдхаузен, NAK (Нидерланды) тұқымдық картоп жөніндегі бас инспекциялық қызметінің өкілдері, ауыл шаруашылығы тауарын өндірушілер, сала мамандары және сарапшылар қатысты.
Қатысушылар тұқымдық картоп шаруашылығын дамытудың өзекті мәселелерін талқылады, халықаралық тәжірибемен алмасты және тұқымдық картопты тексеру мен сертификаттаудың заманауи тәсілдерімен танысты. Сорттық тазалықты бағалау, дақылдардың вирустық ауруларын анықтау және тұқым материалының сапасын арттыру бойынша Нидерландының озық технологияларына ерекше көңіл бөлді.
Іс-шара аясында әлемнің жетекші өндірушілерінің мамандандырылған заманауи техникасы, сондай-ақ отырғызу мен өсіруден бастап, егін жинау мен одан кейінгі өңдеуге дейінгі картоп өндірісінің барлық кезеңдерінде қолданылатын инновациялық технологиялар көрсетілді.
Қатысушылар алдында сөз сөйлеген Нұркен Кобжанов заманауи технологияларды енгізудің және агроөнеркәсіптік саладағы халықаралық ынтымақтастықты нығайтудың маңыздылығын атап өтті.
«Тұқым материалының сапасы отандық картоп шаруашылығының жоғары өнімділігі мен бәсекеге қабілеттілігінің негізі болып табылады. Өңірдің агроөнеркәсіптік кешенін одан әрі дамытуда халықаралық тәжірибе алмасу, үздік әлемдік тәжірибелерді енгізудің маңызы зор. Алынған білім мен практикалық шешімдер облысымызда картоп өсіруді барынша дамытуға ықпал ететініне сенімдімін», – деп атап өтті облыстық мәслихат төрағасы.
Агроөнеркәсіптік кешенді дамыту Қарағанды облыстық мәслихаты қызметінің басым бағыттарының бірі болып қала бермек. Депутаттар ауыл шаруашылығының өнімділігін арттыру, заманауи технологияларды енгізу мен отандық ауыл шаруашылығы тауарын өндірушілерді қолдау мәселелерін тұрақты назарда ұстайды.
Ақпарат көзі : https://www.gov.kz/memleket/entities/maslihat-karagandinskoy-oblasti/press/news/details/1263612?lang=ru
Жауап қалдыру