Қазақстан Республикасы Қарулы Күштерінің 2026 оқу жылына арналған жауынгерлік даярлық жоспарына сәйкес, ағымдағы жылдың қыркүйек айында Қордай ауданында «Құлан-2026» әскери жиынын өткізу жоспарлануда.
Осыған байланысты облыс әкімдігінің жұмылдыру дайындығы, аумақтық және азаматтық қорғаныс басқармасының басшысы Ерлан Байболат Бейсенұлы мамандандырылған базада орналасқан қойма мен қызметтік үй-жайларды аралап, әскери жиынға тартылатын әскери міндеттілерді қабылдау, тіркеу және зерделеу, медициналық тексеруден өткізу, оларды әскери киім-кешекпен, көлікпен және тамақпен қамтамасыз ету, сондай-ақ қажетті материалдық-техникалық құралдарды дайындау бағытында атқарылып жатқан жұмыстардың барысымен танысты.
Жұмыс қорытындысы бойынша Басқарма басшысы жауапты сала басшыларына әскерге шақыру науқанын сапалы ұйымдастырып, жоспарда белгіленген іс-шаралардың уақытылы орындалуын қамтамасыз етуді тапсырды.
Ақпарат көзі : https://www.gov.kz/memleket/entities/zhambyl-mobtraining/press/news/details/1264794?lang=ru
Жауап қалдыру