Полицияның үнемі ескертулеріне қарамастан, Ақмола облысының тұрғындары интернет-алаяқтардың айла-амалдарына түсуді жалғастыруда. Ерейментау ауданында миллиондаған шығынға ұшыраған кезекті жағдай тіркелді.
63 жастағы әйел интернеттен жоғары пайда табу уәде етілген, “тиімді инвестиция” туралы жарнаманы көрді. Көп ұзамай оған инвестициялық компанияның жалған менеджерлері хабарласып, ақша салуды бастауға көндірген. Алаяқтар бірнеше ай бойы әртүрлі сылтаулармен кірісті ұлғайту, комиссияларды төлеу, құжаттарды ресімдеу, қаражатты жеткізу және басқа да шығындар үшін жаңа аударымдарды талап еткен.
Алаяқтарға сенген жәбірленуші өзінің барлық жинақтарын аударып қана қоймай, бірнеше несие ресімдеген. Нәтижесінде ол уәде етілген пайданы ала алмай, 20 миллион 660 мың теңгесінен айырылды.
Алаяқтық фактісі бойынша полицейлер сотқа дейінгі тергеуді бастады.
ПОЛИЦИЯ ЕСКЕРТЕДІ, егер сізге тәуекелсіз кепілдендірілген жоғары табыс уәде етілсе, шұғыл түрде ақша аударуды немесе пайда табу үшін несие ресімдеуді талап етсе, бұл алаяқтықтың айқын белгілері. Мессенджерлер мен әлеуметтік желілердегі бейтаныс адамдарға сенбеңіз, басқа адамдардың шоттарына ақша аудармаңыз және ақпаратты ресми ақпарат көздері арқылы тексеріңіз. Алғашқы күдік туындаған кезде сөйлесуді тоқтатып, полицияға хабарласыңыз.
Ақпарат көзі : https://www.gov.kz/memleket/entities/mvd-akmola/press/news/details/1264207?lang=ru
Жауап қалдыру