Жолаушылар пойыздарында қоғамдық қауіпсіздікті қамтамасыз ету және теміржол көлігі нысандарында құқық бұзушылықтардың алдын алу жұмыстарын күшейту мақсатында «Алматы – Өскемен» бағытындағы жолаушылар пойызында профилактикалық іс-шара ұйымдастырылды.
Іс-шара аясында Ақтоғай станциясындағы Көліктегі полиция бөлімшесінің бастығы, полиция майоры Н. Төлепбеков пойыз бастығы мен жолсеріктердің қатысуымен жолдағы жұмыс кездесуін өткізді.
Кездесу барысында пойыз қозғалысы кезінде жолаушылардың қауіпсіздігін қамтамасыз ету, ұрлықтың алдын алу, әкімшілік құқық бұзушылықтар мен қылмыстық құқық бұзушылықтардың профилактикасы мәселелері кеңінен түсіндірілді. Сонымен қатар қатысушыларға қауіпсіздік талаптарын қатаң сақтау, құқыққа қарсы әрекеттердің алдын алу бойынша жедел әрі тиімді шаралар қабылдаудың маңыздылығы жеткізілді.
Мұндай профилактикалық іс-шаралардың негізгі мақсаты – жолаушылар пойыздарында құқық бұзушылықтардың алдын алу, қалта ұрлығы мен бағалы заттарды жымқыру фактілерінің жолын кесу, қоғамдық тәртіпті сақтау және жолаушылардың қауіпсіздігін қамтамасыз ету.
Көліктегі полиция қызметкерлері азаматтарды сапар барысында жеке мүліктеріне мұқият болуға, күмәнді жағдайлар немесе құқыққа қайшы әрекеттер анықталған жағдайда пойыз қызметкерлеріне немесе полиция қызметкерлеріне дереу хабарлауға шақырады.
Ақпарат көзі : https://www.gov.kz/memleket/entities/mvd-transport/press/news/details/1264237?lang=ru
Жауап қалдыру