Қазақстан Республикасының білім беру саласындағы заңнамасына енгізілген өзгерістерге сәйкес, 2027 жылдан бастап мектепке дейінгі ұйымдардың қызметін лицензиялау енгізіледі.
Білім беру ұйымдарының рұқсат беру құжатын алуы үш жыл ішінде кезең-кезеңімен жүзеге асырылады.
Солтүстік Қазақстан облысының білім беру саласында сапаны қамтамасыз ету департаменті біліктілік талаптарын сақтау және лицензия алу тәртібі мәселелері бойынша түсіндіру семинарларының сериясын өткізуді бастады.
2026 жылғы 30 шілдеде Департамент Қызылжар ауданының мектепке дейінгі тәрбие және оқыту ұйымдарының басшылары мен өкілдеріне арналған семинар-кеңес өткізді. Іс-шара барысында Департаменттің бас маманы Д.М. Қазиева қатысушыларға кадрлық қамтамасыз етуге, материалдық-техникалық базаға, оқу-әдістемелік қамтамасыз етуге және білім беру қызметін жүзеге асыру жағдайларына қойылатын біліктілік талаптарының мәнін, сондай-ақ лицензияны және (немесе) лицензияға қосымшаны алу тәртібін, қажетті құжаттар топтамасын қалыптастыру мәселелерін түсіндірді.
Семинар соңында қатысушылар өздерін қызықтырған сұрақтарға жауап алып, лицензиялау рәсімінен өтуге дайындалу бойынша практикалық ұсынымдармен танысты.
Ақпарат көзі : https://www.gov.kz/memleket/entities/control-sko/press/news/details/1266214?lang=ru
Жауап қалдыру