«Заң және тәртіп» қағидатын іске асыру аясында 2026 жылғы 30 шілдеде «Жанұя» отбасын қолдау орталығында халықтың әлеуметтік осал топтарына жататын азаматтарды Есіл ауданы прокуратурасының ұйымдастыруымен бірлесіп қабылдау өткізілді.
Іс-шараға Қазақстан Республикасы Еңбек және халықты әлеуметтік қорғау министрлігі Халықты әлеуметтік қорғау саласындағы реттеу және бақылау комитетінің Астана қаласы бойынша департаменті басшысының орынбасары Л.Е. Сартымбетова, сондай-ақ № 2 зейнетақы және әлеуметтік қамсыздандыру бөлімінің бас маманы З.С. Баякенова қатысты.
Бірлескен қабылдауды өткізудің негізгі мақсаты – азаматтарға құқықтық және консультациялық көмектің қолжетімділігін қамтамасыз ету, келіп түскен өтініштерді жедел қарау, мемлекеттік органдардың құзыретіне жататын мәселелер бойынша түсіндірмелер беру, сондай-ақ халықтың әлеуметтік осал санаттарының заңды құқықтары мен мүдделерін іске асыруға және қорғауға жәрдемдесу.
Қабылдау барысында азаматтар зейнетақымен қамсыздандыру, әлеуметтік қамтамасыз ету және мемлекеттік қолдау шараларын алу мәселелері бойынша өтініш білдірді. Келіп түскен барлық өтініштер бойынша Қазақстан Республикасының қолданыстағы заңнамасына сәйкес жан-жақты түсіндірмелер берілді. Қажет болған жағдайда өтініш иелеріне уәкілетті мемлекеттік органдарға одан әрі жүгіну тәртібі түсіндірілді.
Ақпарат көзі : https://www.gov.kz/memleket/entities/enbek-astana/press/news/details/1266282?lang=ru
Жауап қалдыру