Маңғыстау облысының аумағында өрт қауіпсіздігін қамтамасыз ету және дала өрттерінің алдын алу мақсатында облыстық Төтенше жағдайлар департаментінің қызметкерлері кезекті рейдтік-профилактикалық іс-шаралар өткізді.
Рейд барысында мамандар тұрғындармен және табиғат аясында демалушылармен түсіндіру жұмыстарын жүргізіп, өрт қауіпсіздігі талаптарын сақтау қажеттігін ескертті. Сонымен қатар, құрғақ шөптің жануына және дала өрттерінің шығуына себеп болатын қауіп факторларына ерекше назар аударылды.
Іс-шараның негізгі мақсаты:
• өрт қауіпті кезеңде тұрғындар мен демалушыларға өрт қауіпсіздігі ережелерін түсіндіру;
• табиғат аясында от жағу талаптарының сақталуын қадағалау;
• құрғақ шөп пен қоқысты өртеуге жол бермеу;
• ықтимал өрт ошақтарының алдын алу.
Төтенше жағдайлар департаменті азаматтарды табиғат аясында демалу кезінде ашық отты абайлап пайдалануға, сөндірілмеген темекі тұқылын тастамауға, қоқыс пен құрғақ өсімдіктерді өртемеуге шақырады. Өрт қауіпсіздігі талаптарын сақтау – әр азаматтың ортақ міндеті.
Өрт қауіпті кезең аяқталғанға дейін мұндай рейдтік және профилактикалық жұмыстар тұрақты түрде жалғасатын болады.
Өз қауіпсіздігіңізге жауапкершілікпен қараңыз! Төтенше жағдай туындаған жағдайда 101 немесе 112 нөміріне хабарласыңыз.
Маңғыстау облысы ТЖД
Ақпарат көзі : https://www.gov.kz/memleket/entities/emer-mangystau/press/news/details/1267756?lang=ru
Жауап қалдыру