Балалардың қауіпсіздігі – ерекше бақылауда Шымкент қаласының полицейлері кәмелетке толмағандар арасындағы құқық бұзушылықтардың алдын алу және олардың қауіпсіздігін қамтамасыз ету мақсатында тұрақты түрде түнгі профилактикалық рейдтер өткізуде.

Іс-шара барысында тәртіп сақшылары ойын-сауық орындарын, компьютерлік клубтарды және жасөспірімдер түнгі уақытта жиі баратын өзге де орындарды тексерді.

Ерекше назар заңды өкілдерінің қарауынсыз жүрген кәмелетке толмағандарға аударылды.

Рейд барысында жасөспірімдермен және олардың ата-аналарымен профилактикалық түсіндіру жұмыстары жүргізіліп, қауіпсіздік шараларын сақтау жөнінде кеңестер берілді.

Мұндай іс-шаралардың негізгі мақсаты – балалардың қауіпсіздігін қамтамасыз ету, құқық бұзушылықтардың алдын алу және ата-аналардың жауапкершілігін арттыру.

Ақпарат көзі : https://www.gov.kz/memleket/entities/mvd-shymkent/press/news/details/1268497?lang=ru