Қазақстан Республикасы Оқу-ағарту министрлігі 2026–2027 оқу жылының басталу және аяқталу мерзімдерін, сондай-ақ орта білім беру ұйымдарындағы мектеп демалысының күнтізбесін бекітті.
Бекітілген күнтізбеге сәйкес жаңа оқу жылы 2026 жылғы 1 қыркүйекте басталып, 2027 жылғы 25 мамырда аяқталады.
Оқу тоқсандары мен каникулдардың ұзақтығы:
- I тоқсан – 8 оқу аптасы.
Күзгі каникул: 2026 жылғы 26 қазаннан 1 қарашаға дейін (қоса алғанда) – 7 күнтізбелік күн. - II тоқсан – 8 оқу аптасы.
Қысқы каникул: 2026 жылғы 28 желтоқсаннан 2027 жылғы 10 қаңтарға дейін (қоса алғанда) – 14 күнтізбелік күн.
1-сынып оқушылары үшін ұзақтығы 7 күнтізбелік күн болатын қосымша қысқы каникул 2027 жылғы 8–14 ақпан аралығында (қоса алғанда) өткізіледі. - III тоқсан – 10 оқу аптасы.
Көктемгі каникул: 2027 жылғы 22–28 наурыз аралығында (қоса алғанда) – 7 күнтізбелік күн. - IV тоқсан – 8 оқу аптасы және 2027 жылғы 25 мамырда аяқталады.
Бекітілген күнтізбе білім беру ұйымдарына, педагогтерге, оқушылар мен ата-аналарға оқу үдерісін, қорытынды аттестаттауға дайындықты және демалыс кезеңдерін алдын ала жоспарлауға мүмкіндік береді.
Успен ауданының білім бөлімі оқушылар мен олардың ата-аналарына мектеп каникулдарының кестесімен алдын ала танысып, отбасылық демалыс пен қосымша білім беру іс-шараларын жоспарлау барысында оны ескеруді ұсынады.
Ақпарат көзі : https://www.gov.kz/memleket/entities/uspen-bilim/press/news/details/1269082?lang=ru
Жауап қалдыру