Басқарма мамандары Мұғалжар аудандық Кәсіпкерлер кеңесінің өкілімен және Мұғалжар аудандық ауруханасының салауатты өмір салтын қалыптастыру жөніндегі дәрігерімен бірлесіп, Қандыағаш станциясындағы «ҚТЖ – Жүк тасымалы» ЖШС «Ақтөбе» филиалының Қандыағаш пайдалану локомотив депосының қызметкерлеріне, сондай-ақ қоғамдық тамақтану және сауда нысандарының жеке кәсіпкерлеріне арналған ақпараттық-түсіндіру жұмысы шеңберінде семинар өткізді. Семинар барысында келесі өзекті мәселелер қарастырылды:
«Салауатты жұмыс орындары» бастамасы;
жобаны іске асырудың негізгі кезеңдері;
қызылша мен туберкулездің алдын алу;
жіті ішек инфекциялары мен тағамнан уланудың профилактикасы;
инфекциялық емес аурулардың алдын алу және салауатты өмір салтын қалыптастыру.
Қатысушыларға қолданыстағы санитариялық заңнама талаптары, жұмыс берушінің қауіпсіз еңбек жағдайларын қамтамасыз етудегі рөлі, дұрыс тамақтану мен дене белсенділігінің маңыздылығы түсіндірілді. Сонымен қатар, барлық қатысушылар өздерін қызықтырған сұрақтарға жауап алып, ақпараттық жадынамалар мен буклеттерге ие болды. Семинар соңында «Салауатты жұмыс орындары» жобасы бойынша сауалнама жүргізілді. Іс-шараға 40 адам қатысты.
Ақпарат көзі : https://www.gov.kz/memleket/entities/departament-kkbtu-na-transporte/press/news/details/1269209?lang=ru
Жауап қалдыру