2025 жылғы 29 қарашада Ақтау халықаралық әуежайында Ақтау – Дубай тікелей әуе бағытының салтанатты ашылу рәсімі өтті. Жаңа рейс Маңғыстау облысы әкімдігі мен FlyArystan әуе компаниясының ынтымақтастығы нәтижесінде іске қосылды.
Жаңа бағыт халықаралық әуе қатынастарын кеңейтуге, туризмді дамытуға, іскерлік байланыстарды нығайтуға және халықаралық ынтымақтастықты арттыруға мүмкіндік береді. Дүниежүзінің ірі туристік және қаржылық орталықтарының бірі саналатын Дубайға тікелей рейстің ашылуы өңір тұрғындары мен қонақтары үшін сапарларды анағұрлым қолайлы етеді.
Жобаның іске асырылуы туристік ағынның артуына, көлік қолжетімділігінің жақсаруына және Қазақстан мен Біріккен Араб Әмірліктері арасындағы ынтымақтастықтың одан әрі нығаюына ықпал етеді.
Ақпарат көзі : https://www.gov.kz/memleket/entities/mangystau-tourism/press/news/details/1270044?lang=ru
Жауап қалдыру