ALMA LOVE фестивалі аясында алматылық жас таланттар Арбатта өнер көрсетті
Алматыда қалалық ALMA LOVE жастар фестивалі аясында Арбатта Алматы қаласы Жастар саясаты басқармасының қолдауымен ұйымдастырылған Avenue Talent шығармашылық жобасы өтті.
Жоба алаңы қаланың талантты жастарын бір арнаға тоғыстырып, әр қатысушыға шығармашылық әлеуетін танытып, көпшілік алдында өнер көрсетуге мүмкіндік берді. Қатысушылар вокалдық және музыкалық нөмірлер орындап, авторлық өлеңдерін оқыды, би қойылымдарын және өзге де шығармашылық өнерлерін көпшілік назарына ұсынып, ашық шығармашылық пен шабытқа толы ерекше атмосфера қалыптастырды. Жоба алматылық жастарға өз өнерін көрсетуге, көрермендердің қолдауына ие болуға және пікірлес жастармен тәжірибе алмасуға тағы бір мүмкіндік сыйлады.
Қатысушылардың айтуынша, мұндай бастама жастардың өз күшіне деген сенімін арттырып, шығармашылық тұрғыдан өзін-өзі дамытуына кең жол ашады.
«Жас өнерпаздар үшін өз талантын еркін көрсетіп, көрерменнің пікірін еститін алаңдардың болғаны өте маңызды. Осындай жобалар жаңа белестерге ұмтылуға, пікірлес жандармен танысуға және үлкен сахнадағы алғашқы қадамнан қорықпауға жігер береді», – деді жобаға қатысушылардың бірі.
ALMA LOVE фестивалі Алматыда 2–12 тамыз аралығында өтіп жатыр. Оның аясында қала жастарына арналған ондаған білім беру, мәдени, спорттық және шығармашылық іс-шара ұйымдастырылуда.
Ақпарат көзі : https://www.gov.kz/memleket/entities/almaty/press/news/details/1270204?lang=ru
Жауап қалдыру