Маңғыстау облысы Полиция департаменті патрульдік полиция ротасының қызметтік автокөліктеріне жол-көлік оқиғаларының алдын алу мақсатында «Ekin Patrol» жылдамдық өлшеу құрылғысы орнатылды.
Аталған құрылғы автожолдардағы қозғалыс қауіпсіздігін бақылауға, көлік жүргізушілерінің белгіленген жылдамдық режимін сақтауын қамтамасыз етуге және жолдағы құқық бұзушылықтардың алдын алуға мүмкіндік береді.
Патрульдік полиция қызметкерлері заманауи технологияларды пайдалану арқылы жол қозғалысы қауіпсіздігін арттыру, жүргізушілердің тәртібін күшейту және жол-көлік оқиғаларының санын азайту бағытында жұмыстарын жалғастыруда.
Полиция жүргізушілерді жол ережелерін қатаң сақтауға, жылдамдық режимін бұзбауға және жол қозғалысының барлық қатысушыларының қауіпсіздігіне жауапкершілікпен қарауға шақырады.
https://www.instagram.com/reel/Dbs6sf7NL38/?utm_source=ig_web_copy_link&igsh=MzRlODBiNWFlZA==
Ақпарат көзі : https://www.gov.kz/memleket/entities/mvd-mangystau/press/news/details/1270700?lang=ru
Жауап қалдыру