Мақтаарал ауданының командасы Түркістан облысы чемпионатының финалына жолдама алды! 
Әуесқойлар арасында өтіп жатқан Түркістан облысының чемпионатында Мақтаарал ауданының футбол командасы сәтті өнер көрсетіп, жарыстың шешуші кезеңіне жетті.
Тартысты бәсекенің 1/4 финалында Мақтаарал ауданының командасы Сауран ауданымен кездесіп, қарсыласын 3:0 есебімен айқын басымдықпен жеңді. Бұл кездесу мақтааралдық футболшылардың келесі кезеңге деген жігерін одан әрі арттырды.
Ал жартылай финалда жерлестерімізді Түлкібас ауданының командасы қарсы алды. Екі команда арасындағы ойын тартысты өтіп, футболшылар алаңда бар күш-жігерін салды. Нәтижесінде Мақтаарал ауданының командасы қарсыласын 2:1 есебімен жеңіп, чемпионаттың финалына жолдама алды.
Осылайша, мақтааралдық футболшылар қатарынан екі маңызды жеңіске қол жеткізіп, облыс чемпионатының алтын жүлдесіне таласатын командалардың қатарына енді.
Енді команданы ең маңызды кездесу – финалдық ойын күтіп тұр. Жерлестерімізге шешуші сында сәттілік, жігер және жеңіс тілейміз!
Мақтааралдық футболшыларға қолдау көрсетейік! 
Алға, Мақтаарал! Финалда жеңіс серік болсын! 
Ақпарат көзі : https://www.gov.kz/memleket/entities/turkestan-maktaaral/press/news/details/1271305?lang=ru
Жауап қалдыру