2026 жылғы 9 тамызда Көліктегі полиция департаментінің қызметкерлері Жақсалықов Жандос пен Балтабаева Ботагөз орган донорлығын қолдауға арналған қайырымдылық жүгіруіне қатысты.
10 шақырымдық жүгіруді Кардиологиялық орталық ұйымдастырып, іс-шараның негізгі мақсаты – орган донорлығы мәселесіне қоғам назарын аудару және ұзақ жылдар бойы трансплантацияны күтіп жүрген пациенттерге қолдау көрсету.
Көліктегі ПД қызметкерлері аталған бастаманы қолдап, қоғам үшін маңызды әлеуметтік мәселеге өз үлестерін қосты. Мұндай іс-шаралар орган донорлығының маңыздылығын кеңінен насихаттап, мұқтаж жандарға үміт сыйлауға бағытталған.
Бүгінде Қазақстанда ағза трансплантациясын күтіп отырған 5 мыңнан астам адам бар. Олардың әрқайсысы үшін донорлық – өмірге деген үміт.
Орган донорлығын дамыту мен насихаттау – мыңдаған отбасының тағдырына тікелей әсер ететін маңызды мәселе. Осы бағыттағы қоғамдық бастамаларды қолдау және халық арасында ақпараттық түсіндіру жұмыстарын жүргізу аса маңызды.
Департамент қызметкерлері де осындай игі бастамаларға белсенді қатысып, өмірді сақтауға және қоғамда донорлық мәдениетін қалыптастыруға бағытталған бастамаларды қолдайтынын көрсетті.
Ақпарат көзі : https://www.gov.kz/memleket/entities/mvd-transport/press/news/details/1271549?lang=ru
Жауап қалдыру