Салықтық тексеру кешенді, тақырыптық, қарсы салықтық тексеру және хронометраждық зерттеу нысандарында жүзеге асырылады.
Салықтық тексеруге жататын кезең талап қою мерзімінен аспауға тиіс.
Салық органдары заңды тұлғаның құрылымдық бөлімшелеріне салықтық тексеруді заңды тұлғаның өзіне қатысты салықтық тексеру жүргізілуіне қарамастан жүзеге асыруға құқылы.
Салықтық тексеруді жүргізудің ерекше тәртібі уәкілетті органмен арнайы мемлекеттік органдармен бірлесіп айқындалады.
65-бап. Салық міндеттемесі мен талап бойынша талап қою мерзімдері.
Салық міндеттемесі мен талап бойынша талап қою мерзімі деп мына кезең танылады:
1) салық органы салықтар мен бюджетке төленетін төлемдердің сомасын есептеуге, есептелген соманы қайта қарауға немесе қосымша есептеуге құқылы болатын уақыт;
2) салық төлеуші (салық агенті):
– салық есептілігін ұсынуға міндетті;
– салық есептілігіне өзгерістер мен толықтырулар енгізуге құқылы;
– салықтар мен бюджетке төленетін төлемдерді, өсімпұлдарды есепке жатқызуды және (немесе) қайтаруды талап етуге құқылы.
Талап қою мерзімі:
1) мынадай салық төлеушілер санаттары үшін бес жылды құрайды:
– Қазақстан Республикасының Кәсіпкерлік кодексіне сәйкес ірі кәсіпкерлік субъектілеріне жатқызылғандар;
– жер қойнауын пайдалану жөніндегі келісімшартқа сәйкес қызметін жүзеге асыратындар;
– осы Кодекстің 33-тарауында белгіленген талаптарды сақтау жөнінде міндеттемелері туындайтын Қазақстан Республикасының резиденттері;
– импортталатын тауарлар бойынша қосылған құн салығын есепке жатқызу әдісімен төлейтін қосылған құн салығын төлеушілер;
2) осы тармақтың 1) тармақшасында көрсетілмеген салық төлеушілер үшін – үш жыл.
Егер осы баптың 4–7-тармақтарында өзгеше көзделмесе, талап қою мерзімінің өтуі тиісті салық кезеңі аяқталғаннан кейін басталады.
Салық төлеуші салықтарды есептеуге, ал салық органы салықтарды есептеп, оларды есептеуге және қосымша есептеуге құқылы.
Ақпарат көзі : https://www.gov.kz/memleket/entities/kgd-aktobe/press/news/details/1272314?lang=ru
Жауап қалдыру