Елордада жылу желілерін 2026–2027 жылдардағы жылыту маусымына кезең-кезеңімен дайындау жұмыстары жалғасуда.
12 тамызда «Астана-Теплотранзит» АҚ бекітілген кестеге сәйкес гидравликалық сынақтардың кезекті кезеңін өткізді. Сынақтар Ұлы Дала даңғылы, Шыңғыс Айтматов көшесі, Тұран даңғылы және Хусейн бен Талал көшесі шекарасындағы ТМ-47, ТМ-52, ТМ-55 және ТМ-56 жылу магистральдарында жүргізілді.
Сынақтар сәтті өтіп, ескертулер анықталған жоқ.
Бүгінгі таңда «Алматы», «Сарайшық» және «Байқоңыр» аудандарындағы сыртқы жылу желілерінің гидравликалық сынақтары, инвестициялық бағдарламаға енгізілген жекелеген нысандарды қоспағанда, толық аяқталды. Аталған учаскелерде алдағы жылыту маусымына дайындық аясында жоспарлы жөндеу жұмыстары жалғасып жатыр.
Гидравликалық сынақтар жылу желілерінің беріктігі мен тығыздығын тексеруге, ықтимал осал учаскелерді дер кезінде анықтауға және жылыту маусымы басталғанға дейін ықтимал зақымдарды жоюға мүмкіндік береді.
Сынақтар кезең-кезеңімен жүргізіледі. Келесі кезеңдер 2026 жылғы 19 және 26 тамызға жоспарланған.
«Астана-Теплотранзит» АҚ жылу желілерінің сенімділігі мен қауіпсіз пайдаланылуына ерекше назар аудара отырып, елорданың жылу желілерін жылыту маусымына кешенді дайындау жұмыстарын жалғастыруда.
Ақпарат көзі : https://www.gov.kz/memleket/entities/astana-ue/press/news/details/1273075?lang=ru
Жауап қалдыру