Нарықтарды зерделеу нәтижесі бойынша Бәсекелестікті қорғау және дамыту департаментінің өкілдері монополияға қарсы заңнаманы бұзу белгілерінің бар екені туралы үш хабарлама шығарды. Аймақтық монополияға қарсы ведомствоның басшысы Әділет Мұрсалов @pavlodar.rsk алаңында тауар нарықтарындағы жағдай туралы айтып берді. Ол қантты көтерме сату және ҚТҚ (қатты тұрмыстық қалдықтарды) көму саласын талдағаннан кейін үстем орынға ие көтерме саудагерлердің мәні бірдей келісімдерге әртүрлі шарттарды қолданғаны анықталғанын атап өтті. – Әңгіме тек бағаның әртүрлілігінде емес — бұл әртүрлі контрагенттер үшін төлем мен жеткізудің әртүрлі шарттары болуы мүмкін, – деді спикер. – Біреулер үшін бұл кемсітушілік шарттар болса, екіншісі үшін артықшылыққа айналуы мүмкін еді. Үстем орны бар субъектілердің нарықтық өкілеттігі болғандықтан, оларға әртүрлі шарттарды қолдануға тыйым салынады. «Жұмсақ құқық» құралдарын қолдану аясында бұзушылық белгілері анықталған нарық субъектілеріне оларды жою туралы хабарламалар берілді. Монополияға қарсы қызмет өкілдері барлық тұтынушылар үшін тең бәсекелестік жағдайларды қамтамасыз етуді және жекелеген тұтынушыларға негізсіз артықшылықтар беруден тартынуды талап етті. Бүгінгі таңда департаменттің барлық хабарламалары толық көлемде орындалды.
Ақпарат көзі : https://www.gov.kz/memleket/entities/pavlodar-audan/press/news/details/1273179?lang=ru
Жауап қалдыру