Қазақстан Республикасында қолжетімді орта қалыптастыру және мүгедектігі бар адамдар үшін тең мүмкіндіктерді қамтамасыз ету бағытындағы жұмыстар жалғасуда. Әлеуметтік қолдаудың маңызды шараларының бірі – есту қабілеті бұзылған мүгедектігі бар адамдарға ымдау тілі маманының қызметтерін ұсыну.
Қазақстан Республикасы Премьер-Министрінің орынбасары – Еңбек және халықты әлеуметтік қорғау министрінің 2023 жылғы 30 маусымдағы №286 бұйрығына сәйкес, мүгедектігі бар адамның жеке абилитация және оңалту бағдарламасына (ӘАОБ) сәйкес есту қабілеті бұзылған мүгедектігі бар адамдарға ымдау тілі маманының қызметтерін көрсету қағидалары бекітілген.
Аталған қызмет медициналық-әлеуметтік сараптама нәтижесінде жеке абилитация және оңалту бағдарламасында ұсынылған есту қабілеті бұзылған мүгедектігі бар адамдарға көрсетіледі.
Қызметтің негізгі мақсаты – қоршаған ортамен қарым-қатынас жасауға жәрдемдесу, мемлекеттік және өзге де қызметтерді алуға қолдау көрсету, қоғамдық өмірге қатысу мүмкіндігін кеңейту және адамның дербестік деңгейін арттыру.
Қызметті алу үшін Әлеуметтік қызметтер порталы арқылы өтініш беру қажет. Қажеттілік расталғаннан кейін азамат порталға тіркелген ұйымдар мен мамандардың ішінен қызмет көрсетушіні өз бетінше таңдай алады.
Мемлекет белгіленген нормативтер шегінде бұл қызметті қаржыландырады, бұл мүгедектігі бар адамдарға қосымша қаржылық шығынсыз білікті көмек алуға мүмкіндік береді.
Ымдау тілі маманы келесі жағдайларда көмек көрсетеді:
* мемлекеттік органдар мен ұйымдарға жүгінген кезде;
* медициналық қызметтерді алу барысында;
* әлеуметтік қорғау мәселелерін шешу кезінде;
* білім беру және мәдени іс-шараларға қатысқанда;
* құжаттарды рәсімдеу және кеңес алу кезінде;
* ымдау тілінен аударуды және ымдау тіліне аударуды қажет ететін өзге де өмірлік жағдайларда.
Қызметтің маңызы
Ымдау тілі маманының қызметтерін көрсету коммуникациялық кедергілерді жоюға, мемлекеттік қызметтердің қолжетімділігін арттыруға және есту қабілеті бұзылған мүгедектігі бар адамдардың қоғамға толыққанды кірігуіне ықпал етеді.
Осы Қағидаларды іске асыру мүгедектігі бар азаматтардың құқықтарын қамтамасыз етудегі және денсаулық жағдайына қарамастан әрбір адамның қоғамдық өмірге белсенді қатысуына мүмкіндік беретін инклюзивті қоғам құрудағы маңызды қадам болып табылады.
Ақтөбе облысы бойынша Халықты әлеуметтік қорғау саласындағы реттеу және бақылау комитеті департаменті есту қабілеті бұзылған мүгедектігі бар адамдар жеке абилитация және оңалту бағдарламасында тиісті ұсынымдар болған жағдайда ымдау тілі маманының қызметтерін пайдалана алатынын еске салады.
№ 1 медициналық–әлеуметтік сараптама бөлімінің басшысы Низамутдинова Әлия Амангелдиевна
Ақпарат көзі : https://www.gov.kz/memleket/entities/enbek-aktobe/press/news/details/1274113?lang=ru
Жауап қалдыру