2026 жылғы 17 тамызда аудандық мәслихаттың төрағасы Н.С. Бoлатовтың төрағалығымен Ұзынкөл аудандық мәслихатының кезекті сессиясы өтті. Сессияның әлеуметтік желіде онлайн-трансляциясы жүргізілді. Сессияда барлығы 4 мәселе қаралды.
Сессия жұмысына аудан әкімінің орынбасарлары, Қоғамдық кеңестің төрайымымен комитеттерінің төрайымдары, мемлекеттік мекемелердің басшылары, ауыл және ауылдық округ әкімдері қатысты.
«Әкімдердің мәслихаттар алдында есептерін өткізу туралы» Қазақстан Республикасы Президентінің Жарлығына сәйкес депутаттар аудан әкімінің өзіне жүктелген функциялар мен міндеттердің орындалуы туралы есебін тыңдады.
Аудан әкімінің орынбасары М. А. Сокитбаев өз сөзінде ағымдағы жылдың есепті кезеңінде ауданның әлеуметтік-экономикалық дамуының негізгі көрсеткіштеріне тоқталды. Агроөнеркәсіптік кешенді, ауыл шаруашылығын, шағын және орта бизнесті қолдау, жол инфрақұрылымын, сумен жабдықтауды, тұрғын үй құрылысын және әлеуметтік саланы дамыту шаралары туралы егжей-тегжейлі айтып берді.
Сессияның негізгі баяндамасында әлеуметтік сала, заңдылық және құқықтық тәртіп мәселелері жөніндегі тұрақты комиссияның төрайымы А. К. Бердигожина сөз сөйледі.
Отырыс барысында шығып қалғандардың орнына округтік және учаскелік сайлау комиссияларының мүшелерін сайлау туралы мәселелер де қаралды.
Мәселелерді қарау қорытындысы бойынша депутаттар тиісті шешімдер қабылдады.
Ақпарат көзі : https://www.gov.kz/memleket/entities/maslihat-uzunkol/press/news/details/1275185?lang=ru
Жауап қалдыру