Алтай ауданында республикалық «Таза Қазақстан» бағдарламасы аясында Парыгино ауылындағы мемлекеттік мекеме қызметкерлерінің қатысуымен «Таза ауыл – ортақ нәтиже» қоғамдық экологиялық акциясы өтті.
Акция барысында қоғамдық орындарды жинау, аумақтарды тұрмыстық қоқыстардан тазарту жұмыстары жүргізілді.
«Достық» саябағы, мекемелердің іргелес аумақтары мен жалпы пайдалану орындары ретке келтірілді.
Іс-шараға қатысушылар тұрғындар үшін таза, жайлы және қолайлы орта құруға өз үлестерін қосты.
Осындай экологиялық акцияларды өткізу қоршаған ортаға ұқыпты қарауды қалыптастыруға, халықтың экологиялық мәдениетін арттыруға және елдімекеннің санитарлық жағдайын жақсартуға ықпал етеді.
Аумақтарды абаттандыру және көгалдандыру жұмыстары тұрақты негізде жалғасатын болады.
Ақпарат көзі : https://www.gov.kz/memleket/entities/akimvko/press/news/details/1275336?lang=ru
Жауап қалдыру