Қарағанды облысының спортшылары Будапештте мәресіне жеткен көркем жүзуден жасөспірімдер арасындағы әлем чемпионатында жүлдегер атанды. Қазақстан құрамасы әлем біріншілігінде екі күміс және екі қола медаль жеңіп алып, 35 ел қатысқан жалпыкомандалық медаль есебінде төртінші орынға ие болды.
Ұлттық құрама сапында Қарағанды облысының спортшылары да сәтті өнер көрсетті. Акробатикалық бағдарламада Теміртау қаласындағы Ә. Молдағұлова атындағы мектеп-интернат-колледжінің филиалында тәрбиеленетін Даяна Жаманшалова, сондай-ақ жүзуден олимпиадалық резерв мектебінің өкілдері Полина Мерзлякова, Анастасия Воронкова және София Ищенко күміс медальға қол жеткізді. Спортшылардың барлығы Олимпиадалық резерв даярлау орталығының ауыспалы құрамына кіреді.
Тағы екі қола медальді Қарағанды облысының жоғары спорт шеберлігі мектебінің өкілі Виктор Друзин жеңіп алды. Ол техникалық және еркін бағдарламаларда жүлделі үшінші орыннан көрінді.
Спортшыларды Елена Котова, Оксана Москвичева, Илья Котов және Светлана Якушева жаттықтырады.
Қарағанды облысының дене шынықтыру және спорт басқармасының мәліметінше
Ақпарат көзі : https://www.gov.kz/memleket/entities/karaganda/press/news/details/1275114?lang=ru
Жауап қалдыру