2026 жылғы 18 тамызда Астана қаласы бойынша Халықты әлеуметтік қорғау саласындағы реттеу және бақылау комитеті департаментінде қызметкерлердің қызметтік міндеттерін атқаруы және заңнама талаптарын сақтау мәселелері бойынша кеңес өткізілді.
Кеңестің негізгі мәселелерінің бірі – алдағы Құрылтай сайлауын өткізуге қатысты мәселелер болды. Кеңес барысында қызметкерлердің алдағы сайлауға қатысу мәселелері қаралды. Азаматтардың өздерінің конституциялық сайлау құқығын іске асыруының және азаматтық жауапкершілікті танытуының маңыздылығы атап өтілді.
Сыбайлас жемқорлыққа қарсы іс-қимыл мәселелеріне ерекше назар аударылды. Сыбайлас жемқорлыққа қарсы заңнама талаптарын қатаң сақтау, мүдделер қақтығысына жол бермеу, сондай-ақ сыбайлас жемқорлық құқық бұзушылықтар мен белгіленген шектеулерді бұзғаны үшін жауапкершілік мәселелері талқыланды.
Кеңес барысында мемлекеттік қызметшілердің Әдеп кодексінің ережелері де қаралды. Қызметтік міндеттерді орындау кезінде адалдық, әділдік, ашықтық және жауапкершілік қағидаттарын сақтау, сондай-ақ азаматтармен, әріптестермен және ұйым өкілдерімен дұрыс әрі құрметпен қарым-қатынас жасау қажеттілігі атап өтілді.
Азаматтардың өтініштерін қарау кезінде Қазақстан Республикасының Әкімшілік рәсімдік-процестік кодексі (ӘРПК) талаптарын сақтау мәселесіне ерекше көңіл бөлінді. Қызметкерлерге өтініштерді уақтылы, объективті және жан-жақты қарау, заңнамада белгіленген мерзімдер мен тәртіпті сақтай отырып, негізделген жауаптар ұсыну қажеттілігі ескертілді.
Кеңес қорытындысы бойынша қызметкерлерге заңнама талаптарын, қызметтік әдеп нормалары мен сыбайлас жемқорлыққа қарсы стандарттарды мүлтіксіз сақтау, сондай-ақ азаматтардың өтініштерімен жұмыс істеу сапасын арттыру бойынша тиісті тапсырмалар берілді.
Ақпарат көзі : https://www.gov.kz/memleket/entities/enbek-astana/press/news/details/1276153?lang=ru
Жауап қалдыру