2026 жылғы 15 тамызда Астана қаласының санитариялық-карантиндік бақылау бөлімінің мамандары «Нұрсұлтан Назарбаев халықаралық әуежайы» АҚ Жолаушылар тасымалы бөлімінің қызметкерлеріне «Жіті ішек инфекцияларының алдын алу және таралуына жол бермеу» тақырыбында семинар өткізді. Аталған іс-шара профилактикалық шараларды түсіндіру және жолаушыларға қызмет көрсететін қызметкерлердің денсаулық қауіпсіздігін нығайту мақсатында ұйымдастырылды. Санитариялық-карантиндік бақылау бөлімінің мамандары Қазақстан Республикасындағы жіті ішек инфекциялары бойынша ағымдағы эпидемиологиялық ахуал туралы баяндады. Семинар барысында жіті ішек инфекциялары, олардың таралу жолдары, негізгі белгілері және алдын алу шаралары туралы толық ақпарат ұсынылды. Іс-шара соңында мамандар қатысушылардың сұрақтарына жауап беріп, жіті ішек инфекцияларының алдын алу бойынша ақпараттық жадынамалар мен брошюралар таратты. Жеке бас гигиенасы қағидаларын сақтау инфекциялардың таралуын болдырмаудағы маңызды шаралардың бірі болып табылады.
Ақпарат көзі : https://www.gov.kz/memleket/entities/departament-kkbtu-na-transporte/press/news/details/1275580?lang=ru
Жауап қалдыру