Петропавл аулаларындағы қоқыс мәселесі әлі де өзекті. Бейнебақылау камералары кезекті жағдайды анықтады: облыс орталығының 43 жастағы тұрғыны ескі жиһазды қоқыс контейнерлерінің жанына жинап қойған.
Қала тұрғыны әкімшілік жауапкершілікке тартылып, оған айыппұл салынды. Полицейлердің айтуынша, қоқыс шығаратын мердігер ұйымдар тек тұрмыстық қалдықтарды шығаруға міндетті. Контейнерлерге сыймайтын ірі көлемді қоқысты тұрғындар белгіленген тәртіппен өздері шығаруы тиіс.
«Таза Қазақстан» жалпыұлттық экологиялық акциясы аясында полицейлер қоқысты белгіленбеген жерлерге тастау және жинау, сондай-ақ стихиялық қоқыс орындарын қалыптастыру фактілерін тұрақты түрде анықтап келеді.
Жыл басынан бері Солтүстік Қазақстан облысында абаттандыру ережелерін бұзудың 11 700 фактісі тіркелді. Полицейлер атап өткендей, елді мекендердің тазалығы мен экологиялық жағдайы — «Заң мен тәртіп» идеологиясының ажырамас бөлігі.
Ақпарат көзі : https://www.gov.kz/memleket/entities/mvd-sko/press/news/details/1276933?lang=ru
Жауап қалдыру