Приозерск қалалық мәслихатының депутаттары қаладағы жаңа жағажай аумағын абаттандыру жұмыстарының барысымен танысты. Жұмыс сапары барысында депутаттар нысанда атқарылып жатқан жұмыстардың қазіргі жағдайын көріп, құрылыс барысын зерделеді. Бүгінде жағажай аумағында автомобиль жолы мен автотұрақты, жағажай волейбол алаңын, балалар ойын алаңын, жаяу жүргіншілерге арналған тротуарлар мен сыртқы жарықтандыру жүйесін орнату жұмыстары жүргізілуде. Сонымен қатар, жағажай аумағында санитарлық торап орнатылды. Жобаның құрылыс-монтаж жұмыстарын толық аяқтау қыркүйек айына жоспарланған. Абаттандыру жұмыстары аяқталғаннан кейін Приозерск қаласында екінші коммуналдық жағажай тұрғындар мен қала қонақтарының игілігіне беріледі. Бұл тұрғындардың қауіпсіз әрі жайлы демалуына қолайлы жағдай жасап, қаланың жағалау инфрақұрылымын одан әрі дамытуға мүмкіндік береді. Жаңа жағажайдың іске қосылуы Приозерск қаласының туристік әлеуетін арттырып, қаладағы демалыс орындарының тартымдылығын күшейтуге оң ықпал етпек. Қазіргі таңда абаттандыру жұмыстарының сапалы орындалуы, құрылыс талаптарының сақталуы және жобаның белгіленген мерзімде аяқталуы қалалық мәслихат депутаттарының тұрақты бақылауында.
Ақпарат көзі : https://www.gov.kz/memleket/entities/maslihat-karaganda-priozersk/press/news/details/1277696?lang=ru
Жауап қалдыру