Сайлау құқығы – азаматтардың маңызды саяси құқықтарының бірі және әр адамның мемлекетті басқаруға қатысуының ажырамас бөлігі.
Қазақстан Республикасының Конституциясына сәйкес, азаматтардың мемлекет ісін басқаруға тікелей қатысуға, сондай-ақ өз өкілдері арқылы қатысуға құқығы бар. Бұл құқықты іске асырудың нысандарының бірі – сайлауға қатысу.
2026 жылғы 23 тамызда Құрылтайға сайлау өтеді, бұл еліміздің қоғамдық-саяси өміріндегі маңызды кезеңдердің бірі болмақ.
Сайлауға қатысу – бұл тек кандидатқа өз дауысын беру мүмкіндігі ғана емес. Бұл – азаматтық ұстанымды білдірудің, өкілді органдардың қалыптасуына ықпал етудің және өзінің конституциялық құқығын іске асырудың тәсілі.
Әрбір азаматтың сайлау процесіне еркін әрі саналы түрде қатысу мүмкіндігі болуы тиіс. Бұл ретте теңдік, ерік білдіру бостандығы, заңдылық қағидаттарын сақтау және кемсітушілікке жол бермеу маңызды мәнге ие.
Адам құқықтары жөніндегі ұлттық орталықтың Павлодар облысы бойынша өкілдігі азаматтарға сайлау құқығы – тек таңдау құқығы ғана емес, сонымен қатар сайлану, қоғамдық өмірге қатысу және мемлекет қабылдайтын шешімдерге ықпал ету құқығы екенін еске салады.
Өзінің сайлау құқықтарын білу және белсенді азаматтық ұстаным таныту құқықтық мемлекет пен демократиялық қоғамды дамытудың маңызды шарттары болып табылады.
Ақпарат көзі : https://www.gov.kz/memleket/entities/ombudsman-pavlodar-oblysy/press/news/details/1277856?lang=ru
Жауап қалдыру