Маңғыстау облысы бойынша Мемлекеттік кірістер департаменті хабарлайды!
2026 жылғы шілдеде камералдық бақылау хабарламалары жіберілді. Олар мыналарды анықтауға бағытталған:
– 2026 жылғы 2-тоқсандағы ҚҚС декларацияларында (300.00 нысаны) өткізілген тауарлар, жұмыстар және көрсетілетін қызметтер бойынша ҚҚС сомасын төмендету;
– 2025 жылғы КТС бойынша кірісті төмендету (100.00 нысаны).
Хабарламалар мына деректерді салыстыру негізінде қалыптастырылған:
– электрондық шот-фактуралар;
– бақылау-кассалық машиналар;
– валюталық бақылау шеңберінде алынған мәліметтер;
– алынған субсидиялар туралы ақпарат;
– салық есептілігінің деректері.
Хабарламаны орындау мерзімі — 30 жұмыс күні (шамамен 45 күнтізбелік күн).
– Егер сіз анықталған бұзушылықпен келіссеңіз — қосымша салық есептілігін ұсыну қажет.
– Егер сіз келіспесеңіз — бұзушылықтың жоқтығы туралы түсініктеме беру қажет.
Маңызды! Анықталған бұзушылықтар белгіленген мерзімде жойылмаған жағдайда, Қазақстан Республикасының Салық кодексінің нормаларына сәйкес мемлекеттік кірістер органдары салықтық тексеру жүргізуге құқылы.
Маңғыстау облысы бойынша Мемлекеттік кірістер департаменті салық төлеушілерді камералдық бақылау хабарламаларының талаптарын уақтылы орындауға шақырады.
Ақпарат көзі : https://www.gov.kz/memleket/entities/kgd-mangistau/press/news/details/1278108?lang=ru
Жауап қалдыру