Қызылорда облысы Төтенше жағдайлар департаментінің Өнеркәсіптік қауіпсіздік басқармасы өңірдегі ірі өндірістік орталықтардың бірі «ПетроҚазақстан Кумколь Ресорсиз» АҚ нысандарында жоспардан тыс тексеріс жүргізді. Инспекция барысында бұрын анықталған кемшіліктердің мерзімінде әрі толық көлемде жойылғаны нақты көрініс тапты. Сонымен қатар кәсіпорын басшылығы мен жауапты қызметкерлердің қауіпсіздік саласындағы қойылған міндеттерді сапалы атқарғаны расталды. Мамандар өндірістік учаскелердегі қауіпсіздік стандарттарының сақталу деңгейіне жан-жақты талдау жасады. Компания өкілдерімен кездесу өткізіліп, еңбек қауіпсіздігін қамтамасыз ету, авариялық жағдайлардың алдын алу және жедел ден қою шараларын жетілдірудің маңызы түсіндірілді. Мұндай профилактикалық іс-шаралар өндірістік апаттардың қаупін азайтып, жұмысшылардың өмірі мен денсаулығын қорғауға бағытталған жұмыстардың тиімділігін арттырады.
Ақпарат көзі : https://www.gov.kz/memleket/entities/kpb/press/news/details/1277675?lang=ru
Жауап қалдыру