Құқық қорғау институты медиа кеңістігіне тұрақты түрде талдау жүргізеді. Ақтас кентіндегі мамандандырылған үлгідегі психиатриялық аурухана туралы желіде мерзімді түрде жарияланып тұратын материалдарға байланысты Адам құқықтары жөніндегі уәкілдің Алматы облысы бойынша өкілі аталған мекемеге барды. Елдегі осындай жалғыз медициналық ұйымда сот шешімімен ақыл-есі дұрыс емес деп танылған және негізінен адамға қарсы аса ауыр қылмыс жасағаны үшін қылмыстық жауаптылықтан босатылған адамдар орналастырылған. Сапар мекеме пациенттерінің құқықтарының сақталуын және оларды ұстау жағдайларын мониторингтеу мақсатында жүзеге асырылды. Сапар барысында өкіл мәжбүрлеп емдеуден өтіп жатқан адамдармен жеке және құпия әңгімелесулер жүргізіп, оларды қызықтырған сұрақтарға түсініктемелер берді. Қазіргі уақытта жүргізілген жұмыс нәтижелері бойынша пациенттердің құқықтарының бұзылғаны туралы жарияланымдар өз растауын таппады, ал таратылып жатқан бейнероликтердің бірқатары бірнеше жыл бұрын түсірілгені анық байқалады. Қатыгез қарым-қатынас немесе азаптау фактілері анықталған жоқ, ұстау жағдайлары мен тамақтануды ұйымдастыру ең төменгі стандарттарға сәйкес келеді. Уәкілдің өкілі денсаулық сақтау органдарымен бірлесіп, пациенттердің жағдайын одан әрі жақсартуға бағытталған шаралар кешенін әзірлеуде.
Ақпарат көзі : https://www.gov.kz/memleket/entities/ombudsman-almaty-oblysy/press/news/details/1277926?lang=ru
Жауап қалдыру