Жаңа 2026-2027 оқу жылының басталу қарсаңында Алтай ауданында жыл сайынғы «Назар аударыңыз — балалар!» акциясы өткізілуде.
Іс-шара аясында 19 тамыз күні жергілікті полиция қызметінің қызметкерлері оқушыларды тасымалдауды жүзеге асыратын мектеп автобустарына тексеру жүргізді.
Жаңа оқу жылында білім беру ұйымдарынан 3 шақырымнан астам қашықтықта тұратын 100-ден астам оқушы мектеп көлігімен тасымалданатын болады. Балаларды тасымалдауға 13 бірлік мектеп көлігі жұмылдырылады.
Тексеру барысында полиция қызметкерлері автобустардың пайдалануға дайындығын, атап айтқанда, көлік құралдарының техникалық жағдайын, қажетті құжаттар мен жабдықтардың болуын, жарқылдауық маяктар мен дыбыстық сигналдардың жарамдылығын, сондай-ақ жүргізушілердің кәсіби даярлығына қойылатын талаптардың сақталуын тексерді.
Мұндай іс-шаралар жолдардағы оқушылардың қауіпсіздік деңгейін арттыруға және балалардың жол-көлік жарақаттарының алдын алу мәселелеріне назар аударуға бағытталған.
Ақпарат көзі : https://www.gov.kz/memleket/entities/altai-roo/press/news/details/1276666?lang=ru
Жауап қалдыру