Аршалы ауданының Аршалы кентінде тұрғын үй кезегінде тұрған 47 отбасына жаңа пәтерлердің кілттерін табыстау рәсімі өтті.
100 пәтерлі жаңа тұрғын үй 2025 жылы тұрғын үй қорын жаңғырту бағдарламасы аясында салынды. Биылғы наурыз айында пәтер кілттері 34 отбасына табысталған болатын. Ал бұл күні тағы 47 отбасы баспаналы болды.
Пәтерлер көпбалалы және толық емес отбасыларға, мүгедектігі бар азаматтарға, жетім балаларға және тұрғын үй мәселесін шешуде мемлекеттік қолдауға мұқтаж азаматтардың басқа да санаттарына берілді.
«Бүгін біздің отбасымыз үшін қуанышты әрі көптен күткен күн. Тұрғын үй кезегінде сегіз жыл тұрдым, міне, енді өз пәтерімнің кілтін алдым. Бұл мен үшін ең алдымен ертеңгі күнге деген сенім және өмірдің жаңа кезеңін бастауға мүмкіндік. Осы күннің жүзеге асуына үлес қосқан баршаңызға шын жүректен алғыс айтамын», – деді жаңа пәтер иегері Юлия Макухина.
Жаңа қоныстанушыларды құттықтаған аудан әкімі азаматтарды қолжетімді әрі жайлы тұрғын үймен қамтамасыз етудің маңыздылығын атап өтті.
«Жаңа үйлеріңіз жылулық пен жайлылықтың, отбасылық бақыттың мекеніне айналсын. Барша қоныстанушыларға амандық, бейбітшілік және ертеңгі күнге деген сенім тілеймін», – деп тілек білдірді Достанбек Есжанов.
Ақпарат көзі : https://www.gov.kz/memleket/entities/aqmola/press/news/details/1278413?lang=ru
Жауап қалдыру