2026 жылғы 23 тамызда Қазақстан Республикасында еліміздің жаңа бір палаталы заң шығарушы органы – Қазақстан Республикасы Құрылтайы депутаттарының алғашқы сайлауы өтті.
Қазақстан Республикасының Өзбекстан Республикасындағы Елшілігінде Өзбекстан Республикасының аумағында жүрген Қазақстан Республикасының азаматтарына сайлауға қатысу мүмкіндігі қамтамасыз етілді. Сонымен қатар сайлау аясында «Ташкент минералды сулары» және «Таштермал» шипажайларында көшпелі дауыс беру ұйымдастырылды.
Сайлау процесі Қазақстан Республикасының заңнамасында белгіленген тәртіптер мен талаптарға сәйкес өтті.
Қазақстан Республикасының Президенті азаматтарға арнаған өз үндеуінде жаңа бір палаталы Құрылтайға алғашқы сайлаудың тарихи маңызын атап өтіп, сайлауға қатысу халық еркінің, азаматтық жауапкершіліктің және Отан тағдырына ортақтастықтың маңызды көрінісі екенін атап көрсетті.
Мемлекет басшысы барлық азаматтарды, әсіресе жастарды, сайлауға белсенді қатысуға және Қазақстанның одан әрі табысты дамуына өз үлесін қосуға шақырып, елдің болашағы әрбір азаматтың саналы таңдауына байланысты екенін атап өтті.
Осыған байланысты Өзбекстан Республикасының аумағында жүрген Қазақстан Республикасының азаматтарының дауыс беруге қатысуы олардың азаматтық ұстанымының, жауапкершілігінің және өз елінің одан әрі дамуы мен өркендеуіне деген мүдделілігінің маңызды көрінісі болды.
Елшілік сайлауға қатысқан Қазақстан Республикасының азаматтарына азаматтық ұстаным танытқаны, өздерінің конституциялық құқықтарына жауапкершілікпен қарағаны және елдің қоғамдық-саяси өміріне белсенді қатысқаны үшін алғыс білдіреді.
Ақпарат көзі : https://www.gov.kz/memleket/entities/mfa-tashkent/press/news/details/1278637?lang=ru
Жауап қалдыру