Испанияға бара жатқан жолда адасқан қытайлық саяхатшыларға жамбылдық полицейлер көмектесті
🚔 Жамбыл облысының Талас ауданында түнгі уақытта жолдан адасып, көлігінің дөңгелегі жарылған қытайлық үш саяхатшы полиция қызметкерлерінен көмек сұрады.
🕓 Оқиға түнгі сағат 03:55 шамасында болған. Испанияға автокөлікпен сапар шегіп бара жатқан шетелдіктер бағыттан жаңылып, жол үстінде қиын жағдайға тап болған.
👮♂️ Полиция қызметкерлері саяхатшылардың қауіпсіздігіне көз жеткізіп, оларға жылы шай мен тамақ ұсынып, жағдайларын жасады. Сонымен қатар, эвакуатор шақыртып, ақаулы көлікті жөндеу орталығына жеткізуге көмектесті.
🔧 Жөндеу орталығында көліктің жарылған дөңгелектері жаңартылып, полиция қызметкерлері шетелдіктерге әрі қарай жүретін бағытын нақтылап берді.
🤝 Көрсетілген қамқорлық пен жедел көмекке ризашылығын білдірген қытайлық саяхатшылар Жамбыл полициясына алғыстарын айтып, сапарларын жалғастырды.
Ақпарат көзі : https://www.gov.kz/memleket/entities/mvd-zhambyl/press/news/details/1279324?lang=ru
Жауап қалдыру