Жаңа заманауи элеватордың ашылуына арналған салтанатты іс-шара

2026 жылғы 25 тамызда Чистополье ауылында «Атамекен-Агро-Целинный» ЖШС аумағында жаңа заманауи элеватордың ашылуына арналған салтанатты іс-шара өтті.

Іс-шараға ауылдық округ әкімі В.Н. Руденкин, «Атамекен Агро» АҚ өкілдері: Басқарма төрағасының орынбасары А.К. Дүйсембаев, «Атамекен-Агро-Целинный» ЖШС директоры Ж.М. Аяғанов, күрделі құрылыс бөлімінің басшысы Д. Тілеубердинов, «Атамекен-Агро-Строй» ЖШС директоры Р.М. Әділов, Famsun компаниясының өкілдері: вице-президент Дила Не, сондай-ақ «Атамекен-Агро-Целинный» ЖШС қызметкерлері, ауыл тұрғындары мен шақырылған қонақтар қатысты.

Жаңа элеватордың ашылуы ауылдық округ үшін маңызды оқиға болды. Заманауи нысан астықты сапалы сақтау мен өңдеуді қамтамасыз етуге, ауыл шаруашылығы өндірісінің тиімділігін арттыруға және кәсіпорынның алдағы уақытта дамуы үшін қосымша мүмкіндіктер жасауға жол ашады.

Басшылық өкілдері мен шақырылған қонақтар қатысушыларға құттықтау сөз арнап, мұндай жобаларды жүзеге асырудың агроөнеркәсіптік кешен мен өңір экономикасын дамыту үшін маңыздылығын атап өтті.

Чистополье ауылының Мәдениет үйінің қызметкерлері мерекелік концерттік бағдарлама дайындады.

Жаңа элеватордың ашылуы — бұл ауыл шаруашылығын дамытудағы және Чистополье ауылының өндірістік әлеуетін нығайтудағы тағы бір маңызды қадам.