Солтүстік Қазақстан облысында микро және шағын кәсіпкерлік субъектілері үшін «Іскер Аймақ» бағдарламасы аясында мемлекеттік қолдаудың жаңа мүмкіндіктері кеңейіп келеді. Бағдарлама мемлекеттік қолдаудың қолжетімділігін арттыруға және жекелеген аудандар мен Петропавл қаласының ерекшеліктерін ескере отырып, кәсіпкерлікті дамытуға жағдай жасауға бағытталған.
Бағдарлама аясында кәсіпкерлер инвестициялық мақсаттарға және айналым қаражатын толықтыруға 200 млн теңгеге дейін қаржыландыру ала алады. Бұл ретте сыйақы мөлшерлемесін субсидиялау қарастырылған. Субсидиялау мерзімі 3 жылға дейін.
Маңызды өзгерістердің бірі — экономикалық қызметтің басым түрлерінің тізбесін кеңейту. Солтүстік Қазақстан облысының әрбір ауданы мен Петропавл қаласы үшін 6 басым бағыттан айқындалды. Бұл жергілікті экономиканың ерекшеліктерін және кәсіпкерлік қызметтің неғұрлым сұранысқа ие бағыттарын ескеруге мүмкіндік береді.
Қызылжар ауданы бойынша басым бағыттардың тізбесіне мыналар енгізілді:
- 93.2 — демалыс пен ойын-сауықты ұйымдастыру жөніндегі қызмет;
- 47.1 — мамандандырылмаған дүкендердегі бөлшек сауда;
- 45.2 — автомобильдерге техникалық қызмет көрсету және оларды жөндеу;
- 49.4 — жүк автомобиль көлігінің қызметі және көшу бойынша қызметтер көрсету;
- 56.1 — мейрамханалардың қызметі және тамақ өнімдерін жеткізу бойынша қызметтер көрсету;
- 01.4 — мал шаруашылығы.
Осылайша, аталған бағыттар бойынша қызмет жүзеге асыратын аудан кәсіпкерлері «Іскер Аймақ» бағдарламасы аясында мемлекеттік қолдау алу мүмкіндігін қарастыра алады.
Солтүстік Қазақстан облысында бағдарламаны іске асыру тәжірибесі мемлекеттік қолдаудың әртүрлі салалардағы кәсіпорындар арасында сұранысқа ие екенін көрсетеді. Қаржыландыру кәсіпкерлерге құрал-жабдықтар сатып алуға, өндірісті кеңейтуге, айналым қаражатын толықтыруға, бизнестің тұрақты жұмысын қамтамасыз етуге және одан әрі өсуіне жағдай жасауға мүмкіндік береді.
Мемлекеттік қолдау жаңа бизнесті іске қосу кезінде де, жұмыс істеп тұрған кәсіпорынды кеңейту барысында да сұранысқа ие болуы мүмкін. Сондықтан кәсіпкерлер үшін өз ауданы бойынша басым бағыттармен алдын ала танысып, қолжетімді қолдау құралдарын пайдалану мүмкіндіктерін бағалау маңызды.
«Іскер Аймақ» бағдарламасының талаптары, экономикалық қызметтің басым түрлерінің тізбесі және кәсіпкерлікті мемлекеттік қолдаудың басқа да шаралары туралы толық ақпаратты «Даму» қорының сайтынан және 1408 байланыс орталығының нөмірі арқылы алуға болады.
Ақпарат көзі : https://www.gov.kz/memleket/entities/kzh-osh/press/news/details/1280965?lang=ru
Жауап қалдыру